Latifalar
Podsho ertalab ovga borar edi, ro‘parasidan Afandi chiqib qoldi. Afandining ko‘rinishi ancha hunuk bo‘lganidan, podsho xodimlariga buyurdi:
— Ovning boshidan shunday badbashara odam uchradi, bugun ov yurishmaydi, olib bor zindonga sol buni, hali ovdan qaytganda gaplashaman bu bilan!
Olib borib Afandini zindonga tashladilar. Ammo shu kuni podshoning ovi juda yaxshi yurishdi. podsho ovdan qaytgach, Afandini chaqirtirib dedi:
— Agar bugun ovim yurishmaganda, seni o‘ldirar edim, baxting bor ekan.
— Bir savol so‘rasam maylimi?—dedi Afandi.
— So‘ra!
— «Baxtsizlik keltiradi, ovim yurishmaydi» deb meni ertalab qamatdingiz, aksincha, ovingiz yurishib ketdi. Men ham bola-chaqamning shu bugungi tirikchiligi uchun bir parcha non topgani chiqqan edim, kechgacha zindonda yotib, tirikchilikdan qoldim, bola-chaqamning holi nima kechganini bilmayman. Qani, ayting-chi, ikkalamizdan qaysi birimiz baxtsizlik keltirar ekanmiz?
Eshmat roddomda derazaga qarab baqiryapti:
— Halima, Halimaa, Haaliimaa!
Derazadan Halima qarab:
— Namuncha baqirasiz?
Eshmat:
— Tug‘dingmi?
Halima:
— Ha, egiz!
Eshmat:
— Kimga o‘xshaydi?
Halima:
— Bir-biriga o‘xshaydi!
Yosh yigitcha kitob do‘konida sotuvchidan so‘rabdi:
— Sizlarda "Qanday qilib 1 oy ichida millioner bo‘lish mumkin?", - degan kitob bormi?
— Bor! Mana, marhamat! Lekin sizga tavsiyamiz — bu kitobga qo‘shib "Jinoyat kodeksi"ni ham sotib oling.
Bir talaba ketayotsa oldidan buxanka non chiqib qolsa bir tepib yuboribdi, buni ko‘rgan boshqa talaba:
— Jinnimisan, axir bu nonku, nega tepasan, undan ko‘ra menga ber buni men yeyman.
— Jinnimasman, endi sal chetroqqa olib o‘t, birga yeymiz.
Bir kuni jin uch kishini ushlab olibdi. Xitoylik, hind va o‘zbek. Uchchalasiga shart qo‘yibdi. "Xoxlagan narsangiz bilan o‘zingizni himoya qiling. Men mushtum bilan uraman". Birinchi bo‘lib xitoylik o‘rtaga chiqibdi.
Jin: O‘zingni nima bilan himoya qilasan?
Xitoylik: Buyuk Xitoy devori bilan.
Jin bir urishda Xitoy devorini parchalab ikkinchi urishda xitoyni urib o‘ldiribdi.
Navbat hindga kelibdi. Hind yoga usullaridan foydalanib allanima bir holatda o‘tiribdi. Jin uraveribdi, uraveribdi. Hindga xech narsa qilmabdi. Oxiri charchagan jin o‘zbekdan so‘rabdi:
— Sen nima bilan himoyalanasan?
— Hind bilan.
Tbilisidagi suv toshqini natijasida hayvonot bog‘idan hayvonlar qochishdi. Qochgan bir echki Odessada topilgan.
Shifokor, huzuriga kelgan matn teruvchiga:
— "A" deng-chi...
— Katta "A" mi yoki kichik "a"?
Gabrovolikka bitta shisha zarur bo‘lib qoldi. U bitta shishani topdi, lekin unda ozgina yod qolgan ekan. Yodni to‘kib tashlash unga uvol ko‘rindi va u barmog‘ini shartta kesdi-da, unga bor yodni quydi va shundan keyingina shishadan foydalandi.
Qamoqxonada o‘tirgan bolaga onadan xat kelibdi:
— Bolam ogorodni chopish, kartoshka ekish kerak, endi man qarib qoldim, bir o‘zim qiynalvoman, debdi.
O‘g‘li xat yozib konvertni yuziga, "Onajon ogorodni chopmang sizniyam qamashadi, mangayam srok qo‘shishadi", deb yozib qo‘yibdi.
Bir haftadan keyin onadan xat kelibdi:
— Bolam sandan xat keganidan keyin, uyimizga 4ta militsiya keldi, butun ogorodni chopib tashashdi, debdi.
Bola onaga javob xati yo‘llabdi:
— Ona qo‘limdan kegani shu, kartoshkani o‘ziz amallab ekvolarsiz, dermish.
Bir kuni Azizbek maktabga kelmadi. Ertaciga uctozi Azizbekdan:
— Nega kecha maktabga kelmading, - deb co‘radi.
— Bir ayolni puli tushib qolibdi.
Uctozi:
— Ha, qidirishib yubordingmi?
— Yo‘q, u ayol ketgunicha pulni oyog‘im bilan bocib turdim.
Armiyada komandir askarlarga:
— Ho‘sh, hozircha mana bu yer, mana bu yer va mana bu yerdan chuqur kovlashni boshlayverasilar, men esa borib aniq qayerni kovlash kerakligini bilib kelaman.
— Azizam, bizning o‘g‘limiz judayam iste’dodli ekan! Bugun stolni ustiga pashshani rasmini chizgan edi, uni o‘ldiraman deb qo‘llarim rosa og‘rib ketdi!
— Bu hali xolva, kecha hammomda u chizgan ilonni ko‘rib, u chizgan eshikka qochganimni etmaysanmi?
Afandining qo‘shnisi to‘y qildi, to‘yga odamlarni xat orqali chaqirtirmoqchi bo‘lib, taklifnomalarni tarqatib berishni Afandidan iltimos qildi. Afandi qo‘shnisining iltimosini qaytara olmadi, shaharda takabburligi bilan tanilgan bir boynikiga ham qog‘oz olib bordi.
Boy Afandidan taklif qog‘ozi yuborilganiga g‘ashi kelib, so‘radi:
— Taklifnoma olib kelish uchun sendan ko‘ra durustroq odam topilmadimi?
— Durustroq odamlar ham bor edi-yu,— dedi Afandi,— ammo ular durustroq odamlarnikiga xat olib ketdilar.
Talabalar qorni och yotoqxonada yotib, ochlikdan qanday qutilishni o‘ylashayabdi. Birinchi talaba ikkinchisiga:
— Shu yotoqxonamizda qo‘y boqsak qanday bo‘lar ekan-a? O‘zimizni go‘sht yog‘imiz tekin bo‘larmidi?
— O‘ylab gapir o‘rtoq, sassiq hid masalasini o‘ylamadingmi?
— Havotir olma o‘rtoq bu hidga qo‘y ko‘nikib ketadi.
Norboy aka o‘g‘lidan so‘radi:
— Ha, o‘g‘lim xayol surib qobsan, birortasidan ko‘nling bormi?
— Yo‘g‘e, dada.
— Uyalmay aytaver.
— Ada bittasi nima bo‘ladi.
Ikki yangi boy suhbatlashmokda. Biri ikkinchisiga debdi:
— Eshitishimcha, Italiyadan villa sotib olayotganmishsan...
— Ha, firmam tipratikanlar eksport qilib boyib ketdi, shuning hisobidan sotib olyapman!
— Qanaqa tipratikan?
— Firmamiz qishloq xo‘jaligi zararkunandalariga qarshi kurashish uchun Yevropaga tipratikan eksport qiladi. — Menga qara, og‘ayni, buncha tipratikanni qayerdan topayapsan?
— Bu juda oddiy: kalamushni olasan-da, terisini laklab, fen bilan quritasan!
Qiz yigitga qarab:
— Bitta topishmoq aytaman topsangiz sizga tegaman. Vaq-vaq qilib sakrab yuradi, suvni yaxshi ko‘radi.
Yigit: Sigir - topdimmi?
Qiz: Ha, to‘g‘ri topdingiz!
Afandi bozor aylanib yurib, mevafurushlar rastasiga kirib qoldi, qarasa: o‘rik qoqi, turli-tuman mayizlar, pista, bodom, nok, uzum va boshqa mevalar uyulib yotibdi-yu, sotuvchilari qimirlamay o‘tirishibdi.
Afandi hassasining uchini bir boqqolning ko‘zi oldiga olib bordi. Bundan cho‘chigan boqqol:
— E badbaxt, qanaqa odamsan, ko‘zimga tiqib olasan-ku, - dedi.
Afandi hamma eshitadigan qilib dedi:
— Axir, ko‘zlaringiz bor ekan-ku, nega bu mevalardan yemay o‘tiribsiz?
To‘rt ulfat oylik maoshini olib bir o‘tirib, ulfatchilik qilaylik deyishibdi. Ulardan yoshi kattarog‘i aytibdi:
— Kelinglar tanga tashlaymiz, agar tanga oldi tarafi bilan tushsa, saunaga borib bir miriqamiz, agar orqasi bilan tushsa qizlarni olib, toqqa chiqib, dam olib kelamiz, agar qirrasi bilan tushsa pivoxo‘rlik qilamiz, mabodo tanga yerga tushmay havoda muallaq turib qolsa, oyligimizni bir tiyinini ham sarflamay, xotinlarimizga olib borib beramiz! — debdi.
Qaynona kuyovini sinamoqchi bo‘lib yoniga chaqirib, bolam meni kunim yaqinlashib qoldi, men o‘lsam Moskvaga ko‘mish uchun joy zakaz qilib kela olasizmi, — desa
— Ha, onajon, — debdi va Moskvaga ketibdi.
Kelgach qaynona so‘rabdi:
— Nima bo‘ldi o‘g‘lim? — desa
— Bo‘ldi ona, lekin bitta muammo bor.
— Qanaqa muammo?
Ertaga soat 12:00 ga janoza — dermish...